رسوم مخططات تفاعليه مع بايثون plotly

نبذة سريعة عن مكتبة رايقة

بسم الله الرحمن الرحيم

السبت 18 أبريل 2020

اليوم بتكلم عن مكتبة رائعة للـ visualizations و plotting اسمها plot.ly الحقيقة اني اعرف هالمكتبه من ثلاث او اربع سنين آخر مره أستخدمتها. لكن تفاجأت وانبسطت صراحة بالتغيير اللي صار عليها، ولهالسبب قررت بكتب عنها بشكل سريع.

أكثر شئ عجبني انها صارت مفتوحة المصدر، ياي :)، يعني فلة!! المهم وش يعني لي هذا انا كمستخدم أو مهندس برمجيات أو عالم بيانات؟ يعني اني مااحتاج اي توثيق api أو تسجيل دخول (من الكود) اونلاين على سيرفراتهم عشان استخدم المكتبة! لا، الحين اقدر استخدمها زي أي مكتبة ثانية، مجرد اعمل لها تحميل واستخدمها مباشرة.

طيب نجي للمهم! وش المزية اللي تميّز هالكمتبة عن باقي المكتبات المفتوحة المصدر الأخرى زي matplotlib وغيرها ،، اللي يميزها انها تسوي لنا مخططات تفاعلية او interactive graphs طيب! وش يعني تفاعلي؟؟ يعني اني اقدر احرك المخطط أو أغير زاوية الرؤية أو اسوي زووم على معلومات ادق في المخطط. على عكس المخططات الغير تفاعليه واللي تجي على هيئة صورة ثابته.

خلنا الان نشوف بعض النماذج للمخططات اللي نقدر نسويها مع هالمكتبة. ملاحظة: للأسف ماراح اسوي شرح للكود، بحط رابط لموقع المكتبة للي يبي تفاصيل اكثر.

%%capture
# اولاً لازم نحمل المكتبة على جهازنا 
!pip install plotly

# بعدها هذا الكود بيخلي الرسوم تظهر على هالنوتبوك اللي نشتغل عليه
# خل نفعل وضع الأوف لاين 
import plotly.offline as pyo
pyo.init_notebook_mode()